Neska honek zer indar duen, nor ete da, zer fotografia polita esan nuen aurreko Puntua (212. zenbakia) aldizkaria ikusterakoan.

Baina denok daukagu defektu profesionala eta nik, zela ez, kamisetan jartzen zuena irakurri nuen lehenengoz. Eta horren inguruko gogoeta egin.

Gero jo nuen testura eta konturatu kamiseta hori jantzita daraman kirolaria ez dela nor nahi. Oihana Azkorbebeitia mendi ariñiketalari abadiñoarra da, 2019ko Munduko Kopan hamargarren kokatu dena. Zorionak eta gogo onenak hemendik, Oihana!

Kamiseta horretan hiru eratara dago idatzita bere nazioaren izena. Euskal Herria, Euskadi eta Basque Country ipintzen ditu erreskadan eta, horrez gain, euskal kirol federazioaren batasunaren akronimoa EKFB.

Azken froga italian jokatu denez, nire buruari galdetu nion italiarren bat enteratuko ote zen nongoa den gure kirolari gorena, beraiek Paesi Baschi deitzen badiote gure herriari.

Hain gaitza ete da mundu osorako balioko duen izen bakarra ipintzea? Hori da gure erronka, saia gaitezen.